ഒരു പ്രണയ ഗീതം - --
സതീശന് മാവില
**********************************
പാതിരാ കാറ്റുവന്ന് വാതില് മെല്ലെ തുറന്നപ്പോള്
നീയായിരുന്നുവെങ്കിലെന്നു കൊതിച്ചു
അത് നീയായിരുന്നു വെങ്കിലെന്നു കൊതിച്ചുചന്ദനക്കട്ടിലില് സ്വപ്ന ശയ്യ വിരിക്കവേ
നീ വന്നിരുന്നുവെങ്കിലെന്നു കൊതിച്ചു - എന്നില്
നീ വന്നലിഞ്ഞുവെങ്കിലെന്നു നിനച്ചു
നറുനിലാവല നെയ്ത് ഭൂമിയും മാനവും
നമ്മുടെ സ്വപ്നങ്ങള്ക്ക് നിറം പകര്ന്നു
രാക്കുയിലീണത്തില് പാടുന്ന പാട്ടിന്റെ
രാഗവും താളവും നമുക്ക് സ്വന്തം -
ഈ രാവിന്റെ സ്പന്ദനങ്ങള് നമുക്ക് സ്വന്തം
നിമിഷങ്ങളോരോന്നും വികാരാര്ദ്രമാവുമ്പോള് \വിളിക്കുന്നു ഞാന് സഖീ നിന്നെ എന്നും
ഇണതേടി ചിലക്കുന്ന രാക്കിളിക്കൂട്ടത്തി- -
ലൊന്നാവാന് കൊതിക്കയാണെന്റെയുള്ളം
No comments:
Post a Comment